Testimonials
*Basic* ph: This course was the binder to all the knowledge I have about energy and helped me to got it in order in my mind through its logical and scientific approach
*Advanced* PH: this course gave me the keys to understand not only the colors’ properties and characteristics but also their applications in our every daylife ; from major events where you can help someone with heart disease to simple ones as a mosquito bite
*Psychotherapy*: this course gave me a deeper understanding of myself ( my emotional and mental bodies) and helped me taking control of my life as it taught me how NOT to be helpless and use the tools god gave us
Thank you Rasha and thanks to GMCKS school for all the knowledge/tools it literally changed my life and gave me the ability to help my loved ones
I have always heard about prana healing and try twin heart meditation, but when I took the first and second levels in particular, I changed my theory of life and the way energy affects our lives. Thank you, Rasha.
أنا جيهان عياد ام ل ٤ اولاد و عندي مركز تجميل بالاردن ..
بلشت ادرس برانيك هيلنج من شهر ٨ بسنة ٢٠٢١ و اخدت المستوى الاول و الثاني و النفسية و الكريستال و النحت و انشاء الله ناوية اكمل بكل حماس لاني حسيت بالفرق بحياتي.
من ٢٠١٦ بلشت اتعلم تقنيات لحتى اعدل بحياتي في موضوع العلاقات و المال و الصحة متل كتير أشخاص و استفدت كتير و لكن كاندائما في أسئلة براسي مالقيت وقتها جواب و كتير تقنيات تعطي مفعول مؤقت بس المواقف والأحداث ترد ترجع.
فيوم من الايام تعرفت على صبية دارسة برانيك هيلنج و عملتلي جلستين لمعالجة نوع من أنواع الفوبيا عندي كانت بالنسبة إلي معجزة من بعدها وعيت قديش هل علم مهم و قررت اعرف عنو اكتر.
لما بلشت ادرس برانيك هيلينج، اول مستويين حسيت فرق بالوعي و الإدراك و لفهم الحياة عندي و مشاعر سعادة انو أنا بمساعدة رب العالمين اولا كنت وسيلة لاقدر اساعد اولادي و عائلتي اذا صابتهم وعكة صحية قدرت اعالج بنتي اللي عمرها ٧سنين من التبول اللا ارادي الحمدلله????
و بكورس النفسية حسيت قديش الدنيا سهلة انو الانسان بقدر يغير معتقداته و أفكاره و مشاعره لحتى يكون افضل و حسيت بالقوة انو كلشخص بقدر يقلب عالمه الداخلي لحتى يوصل لأهدافه بسهولة و يسر .
و بعدها قررت اخد دورة الكريستال و النحت و كانت اكتر دورة ممتعة بالنسبة إلي لسبب انو عندي احساس أنها رح تساعدني كتير بشغلي بحكم اني أخصائية بشرة و كنت ادور عل شي يفيد الناس و يزيدهم جمال من دون ما يتعرضو لآثار جانبية مستقبلية من المواد.
بنصح كل حد ما عرف عن البرانيك هيلنج انو يعطي لحاله فرصة انو يعرفه لانه فعلا هو كنز كبير من الكنوز اللي ربنا معطينا ياها بهل كون.
و بشكر كل شخص أعطاني معلومات و ساعدني و درسني هل علم ????????
و اكيد كل الشكر لرب العالمين و ماستر تشوا كوك سوي.
رح احكي عن تجربتي اللي اخدتني بالصدفه لمركز gmcks pranic healing ودراسه علم تماما ما كنت اعرف عنه شيء او شو بيعمل او فائدته.
البدايه كانت مع رشا المسؤوله عن المركز والمدربه اللي اخدتني من اول كورس لاخر كورس لدنيا وعالم تمام مختلف ما ادركته او عرفته الامنها من خلال ابتسامتها، حبها، وعطائها اللامحدود للماده والكورس وكل ما تنهي كورس تصير شغوف اكتر للكورس اللي بعده وبانتظاره
الكورس الاول (الاساس) :
كان بالنسبه الي عباره عن بوابه للدخول والشعور بالطاقه وانها فعلا موجوده اول مره اشوف الهاله المحيطه بالانسان، البرانا بالجو وبقدرهالانسان على العلاج الطاقي ومعرفة اسباب الامراض وتحليلها وعلاقتها بالشاكرات ومدى ارتباط الجسم الطاقي بالجسم المادي وان العلاجلازم يكون جذري ليروح وبروعه تأمل القلبين التؤامين اللي كان اول مره اعمله مع رشا والي لهذه اللحظه ما قادره انسى شعوري بعد انتهائه ❤️
وبعد التطبيق الفعلي لبعض البروتوكولات والنتائج اللي حصلت عليها وردود الاشخاص على العلاج شكرت ربي عالصدفه اللي اخدتني لهذاالمجال وهذا العلم ولمدربه رائعه مثل رشا
انتقلت للكورس الثاني (المتقدم) :
وكان رائع بمعنى الكلمه دخلنا بالتحليل الأعمق للأشياء ..للأمراض الصعبه وجذرها، للألوان وقوتها والفرق بينها وكل لون بشو بيستخدم،لطرق علاجيه مدعمه ولكن اقوى بالتأثير عن الكورس الاول، فحص الاشياء شو ما كانت والابداع بإدخال معلومه قيمه سواء كانت انزيم اوهرمون بجزء معين وتوظيفه بشكل صحيح بالبروتوكول
الكورس الثالث (العلاج النفسي البراني) :
كورس الحقيقه فوق الخيال قدرت من خلاله اعرف اشياء كتيره. أولها ان الانسان هو المسبب الرئيسي لأوجاعه ومعاناته، مخاوفه، اكتئابه،عنفه ببعض المواقف من خلال افكاره ومشاعره السلبيه وتثبيتها عنده بتكرار التفكير فيها وتراكمها وانها السبب بتصرفاته وزياده حدتها عندهوعلاقتها بالشاكرات و الوظيفة النفسيه لكل شاكرا وليرجع لتوازنه كيف لازم ينظف كل هذا الشيء ويشحنه بشئ ايجابي ليتجلي هذاالشيء على أرض الواقع. وان ممكن مرض عضوي يكون بالاساس نفسي وطرق العلاج
العلاج بالكريستال وشد الوجه ونحت الجسم :
من أجمل الكورسات.. التعامل مع الكرستالات وفائدتها وقوتها بالعلاج، أستخدامهم ايضا بشد البشره ونحت الجسم (بكل ما يتعلق فيهم ايمنطقه بالجسم او البشره) والنتيجه تكون لحظيه والاستمرار عليها ومتابعتها بتخليها ثابته وبالتجربه تشوف النتيجه ان بأيدك توصل للنتيجهاللي انت حاببها او بمخيلتك صراحه كان جدا رائع ????
شكراااا لكل معلومه ???????? شكرا لهذا العلم ???????? شكرا لكل كورس اخدته واضاف اليي بشكل كبير ???????? شكراااا كتيررر رشا ????????????
لليوم بتزكر اول مرة دخلت فيها عالمركز كان يوم الافتتاح، ما كنت عارفة انه هالمكان رح يصير زي ملجأي الآمن والمكان اللي بتعلم فيه كل هاي العلوم اللي ما بتوصفها كلمات ما كنت عارفة انه هالمكان رح يعرفني على أحلى عيلة وأهل وأصحاب و اكبر مكان يدعمني ويساعدني بطريقي ولا كنت عارفة انه هالمكان هو اللي رح احصل فيه على أجوبة بحياتي ما توقعت الاقيها ولا كنت عارفة انه هداك اليوم كان بداية تغيير كتير كبير بتفكيري و عقلي وشخصيتي و حياتي و علاقاتي و كتير نواحي تانية بالحياة بالأخص وضعي اللي دخلت فيه عالمركز .. ما توقعت انه ممكن انا اتعلم هاي العلوم و اخد هاي الدورات و أعرف طريقي وين خاصة انيكنت بفترة حرجة جدا من حياتي و على مفترق طرق صعب …
لو بدي احكي كيف غير ال Pranic Healing من حياتي ما رح اوقف كتابة ولا رح تسعفني الكلمات
لانه هوه ما كان مجرد تغيير بحياتي
هوه انقذني حرفيا بعد ما كنت فقدت الأمل و خلاني عايشة لليوم هاد اللي عم بكتب فيه هاي الكلمات .. و ما زال التغيير مستمر بحياتي من٣ سنين لليوم
انا بلشت بالمركز بتأمل القلبين التوأمين “الأحب إلى قلبي” و بلشت بالدورات بداية من ال Basic Pranic Healing وصولا لل Arhatic Yoga خلال ٧ ل ٨ أشهر و آخر هديك السنة كنت بالأشرم .. المكان اللي حلمت بحالي فيه حتى قبل ما اشوفه و تحقق الحلم الحمد لله
اكتر دورات حبيتها .. طبعا كلللهم بجننو .. بس الأقرب لإلي كانو اول اشي المستوى التالت ال Psychotherapy كان خياااال بالنسبة إلي.. يومها بس فهمت ليه رشا كانت بدها ياني اوصله ههههه .. كانت كل الحلول اللي محتاجاها فيه
و تاني كورس كان كورس إدراك الروح .. يومها حسيت حالي انه بعررررف كللل هاد الكلام و كنت ابكيييي انه عرفت انا شو و طريقيبهالحياة شو .. لقيت اجوبة لأسئلة كبيرة عندي و صار عندي أضعاف هاي الأسئلة بعد هيك ههههههه
لحد ما وصلت لل Arhatic Yoga course ما كنت اتخيل انه فرحتي لما استلمت شهادة هاد الكورس اكبر من فرحتي بشهادة الجامعة هههههههه بس طلعت حقيقة
حياتي بلشت تترتب بعد ضياع كبير .. افكاري .. مشاعري .. تعاملي مع الناس .. فهمي للناس اختلف .. طريقتي بالنظر للحياة كلها صارتمن منظور مختلف
حسيت حالي ملكت كنز ما ببدله بإشي بالدنيا صار عندي ادوات خطيييرة اتعامل فيها مع كل شي بهالحياة و بكل بساطة و سهولة و صرت مرنة أكتر من قبل
طبعا بده إلتزام هو مش مجرد كورس و شهادة
و طبعااا الكورس الأحب إلى قلللبي ???????? Face lifting and Body Sculpting يومين كاملين من السعادة و الاندهاش المطلق والمتعة الرهيبة و النتائج اللي بتذهل كل شخص اولهم المعالج ههههههه
هون لقيت حالي و هون بلشت اكون افكاري و طريقي وارسم مخططاتي ????????
الجمال اللي بشوفه بوجوه الناس من وجهة نظري بدي ارسمه على وجوههم و اخلي الكل يشوف اللي انا بشوفه فيهم و اساعد الكل يطلعاحلى ما فيه و يوصل للجمال الخارجي والداخلي والسعادة اللي بترافقهم ????
I just wanted to let u know that I have been doing the blood cleaning for two days and I woke up today without taking any meds, I was surprised the Urticaria is GONE! Totally gone after 5 weeks of suffering! Wooow I dont know how to thank you. I love you, thank u so much walla, so grateful, May Allah bless you with success I am so happy I took this course.
الحمد لله والشكر لله على نعمة مدرسة البرانيك هيليغ، من عمر صغير وانا بحس اني بدور على اشي ما كنت عارفه شو هو، بس كنت اقول اكيد في اشي تاني بالحياه احلى من الحياه العاديه انه نعيش ونتزوج ونجيب اولاد. وبلشت برحلة البحث من علوم لعلوم وكل ما اتعلم اشي اقول اكيد في اشي تاني. لما سمعت عن فكرة الحبل الروحي وبعدها حضرت المحاضره التعريفيه لرشا وقلت هدا الاشي رح يقيدني بعلم النفس ويقوي جلساتي فدخلت المستوى الاول وانا ببالي بدي اوصل لمستوى النفسيه (الثالث) بتزكر اني ضليت مركزه بكل كلمة واجابات لاسئله كانت بعقلي وتوضيح لافكار كنت اسمعها وما افهمها
واستوعبت فكرة الحبل الروحي والتسامح حسيت متل اللي اشي تحرك بقلبي وبعقلي وكنت مركزه بالفهم اكتر من اني امارس مع اني استشعرت بالطاقة.
وبعدها المستوى التاني علمي فيزيائي واقتنعت بفكرة العلاج وكيف انه بتم العلاج وشو بصير بالجسم فاتت راحة لقلبي من نوع تاني من خلال اقتناع جانبي العلمي.
اما المستوى الثالث مستوى النفسيه ❤️ حسيت متل ما كانت تقول رشا كنت لابسه جاكيت من الاحمال الزايده والمشاعر وشلحته حسيت كيف ممكن تتخلص بدقايق من غضب او حزن .. قلت بوقتها مممم هدا الاشي التاني اللي كنت ادور عليه وصار عندي راحة ويسر بحياتي الحمدلله لانه انا عندي قاعده ازا الاشي في تيسير وسهوله هو خير الي
اما بعدها وصلت لكورس ادراك الروح هون انصدمت بالمعلومات اولها وفيني جزء جواتي بده يكمل ويفهم وارتحت كتير لما عرفت كيف انه احنا مش هدا الجسد ولا الفكر ولا المشاعر صرت بوقتها استوعب انه احنا بالساس ارواح وبنتعلم وبنعلم بعض
وبنفس الوقت اخدت كورس الكريستال بتزكر اكتر شي هيك خلاني وانبسط لما حطينا الكريستالات على جسم زميل النا وصرنا نفحص الطاقه وشفنا كيف النتائج
وبعدها اخدنا كورس الارهاتيك يوغا احلى اشي كنت بوصله وقلت هدا الاشي التاني … معلومات ..تأملات ..محبه..ضحك وخصوصا مع سيريرم وزوجته جاندارك وبعدها باسبوع رحنا على رتريت رأس الخيمه هناك اجتمع عدد كبير من الارهاتيك بكل محبه وسلام لتعلم والتأمل وزادت طاقة الحب والوحدانيه هون صار عندي فهم للوحدانيه المخلوطه بالمحبه
وبعدها احلى كورس بالعالم Pranic face lift and pranic body sculpting شفنا نتائج فوريه بنفس اللحظه ما بنسى شكل زميلتنا اللي عملها بركاش الخطوط اللي بوجهها ولا ممارستنا مع بعض اللي كانت مبهرة وضحكنا وفرحتنا
وبعدها طلعنا على الهند في مكان اسمه الاشرم برضه اجتمعنا باخواننا من مختلف الثقافات والدول وهناك قلت ايوه هدا الاشي التاني وبكل الحب اخدنا هناك كورس الكريشاكتي مع ماستر داني والمفاهيم والمعلومات والتطبيقات بهدا الكورس من اعمق الاشياء
وبعدها اجى كورس الدفاع النفسي الطاقي اللي فيه معلومات بتهم المعالجين وتعلمنا فيه طرق جدا قويه للتدرع الطاقي والحمايه ورحنا بعدها الاشرم مره تانيه نجدد الحب والروحانيه
واخيرا اخدنا كورس Spiritual Essence of man مع سيريرم واتعلمنا شجره الحياه ومفاهيم عميقه
وبكل يوم بحس اني لازم اشكر الله على نعمة البرانيك هيلينج واشكر ماستر تشوا المؤوسس الحديث لهدا العلم واشكر كل الماسترات والمعلمين اللي تعلمت منهم واولهم رشا